Putin njohu pavarësinë e Donetsk dhe Luhansk, Xhaçka “dënon” Presidentin: Shkelje e ligjit ndërkombëtar dhe cenim i integritetit territorial

Ministrja e Jashtme, Olta Xhaçka ka dënuar veprimin e presidentit rus, Vladimir Putin për njohjen e dy rajoneve separatiste në Ukrainën Lindore.

“Shqipëria dënon njohjen e pavarësisë nga Rusia, të rajoneve lindore të Ukrainës, Donetsk dhe Luhansk. Kjo është një shkelje e qartë e ligjit ndërkombëtar, e marrëveshjes së Minskut si dhe cënim i intregriteti territorial dhe pavarësisë së Ukrainës. Shqipëria qëndron krah aleatëve dhe partnerëve ndërkombëtarë, në mbështetje të Ukrainës”, shkruan Xhaçka.